„Владата го заштити интересот на граѓаните и преку процес на преговори и договори со вклучените страни, најде најсоодветно решение за надминување на проблемот со снабдување на топлинска енергија на домовите на граѓаните од Скопје. Домовите на Скопјани остануваа загреани до крајот на грејната сезона“, потенцираа за време на заедничката прес конференција заменикот на претседателот на Владата, задолжен за економски прашања, координација на економските ресори и инвестиции, Фатмир Битиќи и министерот за економија Крешник Бектеши, која се одржа по 134-та седница на Владата на која се усвои Уредбата за прогласување кризна состојба заради нарушување на снабдувањето со топлинска енергија.
Владата на Република Северна Македонија на денешната 134 седница донесе Уредба за критериумите и условите за прогласување на кризна состојба во случаи на временски и природни непогоди, хаварии и нарушувања на пазарот на топлинска енергија, начинот на снабдување со топлинска енергија во кризна состојба, мерките што се преземаат во случај на кризна состојба.
Владата на Република Северна Македонија на денешната 132-ра седница, согласно Законот за извршување на Буџетот за 2022 година, донесе Програма за зелен развој со која се утврдени дополнителни 670.000.000,00 денари за реализација на проекти од областа на енергетиката, односно за производство и обезбедување на дополнителни количини на електрична енергија од обновливи извори на енергија за надминување на состојбата енергетската криза.
